Fratsen ontheffing


BERKELLAND – Onze gemeente is met zichzelf an `t massen en mieren,noe blik dat ze al joaren illegaal alcoholische drankjes schenkt in hun kantine. Veur `t gemak kun wij dat dus de keet van Berkelland neumen. Noa een roadsvergadering is der schienboar ok nog een afterparty, met `n paar drankjes op proat ie toch wat makkelijker. Wij verdachten ze der altied van dat ze in achterkamertjes zatten te smoezen moar dat blik dus neet zo te wean. In de polonaise noa de vergadering komt ze tot mekeare. Noe mot ze bie zichzelf `n vergunning anvroagen. Ik zee het zo veur mien. Ambtenaar A. stuurt een anvroag noar ambtenaar B. en den stuurt `n mailtje terugge met `t is in behandeling dus dat duurt 8 wekke minimaal. Ambtenaar A. zegt; moar ik heb de vergunning al neudig op de nieuwjoarsreceptie. Ambtenaar B. zegt: dan mot ie doar ontheffeing veur anvroagen. Ambetnaar A. noar de burgemeister hen, den schrikt doarvan en geet noar ambtenaar B. hen um onmiddellijk een ontheffing an te vroagen en good te keuren.

Kiek weurumme moeilijk doon as `t makkelijk kan. Zal schienboar wal zo wean dat as der gin alchohol bie te passe kump der gin mense op de receptie kump. Het mooiste is nog dat burgervader Joost der met in de krante kump en Joost steet al joaren dreuge . Joost drunk gin druppel en as e kan kump he op de fietse. Ik wet wal dat de meeste roadsleden met de auto komt of dee dan noa de vergadering doar ok met noar hoes ried kan ik oe neet vertellen.Toch wal heel apart dat degene woarvan wij trouwe burgers der vanoet goat dat ze de boel op orde hebt dit dus neet hebt. Nog mooier is dat ze zichzelf een ontheffing geeft. Joa zo lust mien ok wal een paar biertjes. Binnenkort verleent iedere keet zichzelf ok een ontheffing um der een poar te nemmen. Ok in 2023 bunt de wonderen de weareld neet oet. Ik wens oe allen een prachtig nieuw joar PROOST

 

Deel dit artikel:

Meer nieuws

Scroll naar boven