BERKELLAND – Iezel en schnee, het weerbericht op radio 3, zo begon Boh foi Toch met muziek en zo begint we’j in Januari. De sneeuwschoevers kont weer oet de schure en de emmers zolt weer veur de dag worden e haald. Tis altied fijn ajt zolt vergetten bunt af te dekken en ie hebt der allemoal kloetn in zitten. Smargens vrog dr uut om de stoepe weer schnee vrij te kriegen, liefste net iets eerder as de buurman, zodat ie oe hoop schnee lekker bie um veur de deure kunt schoeven. Met een betje geluk wil de wagen niet pakkn en kuj met de buurman, wie met een hellige kop net al oe schnee an t fott scheppen is de auto an drukken. Better begin van de dag kuj ja niet kriegen. Op weg noar t wark zeej oaveral leu massen en mieren op de weg, de een veurt nog langzamer as de ander. Zelf hej natuurlijk ook nog de zomerbande de onder zitten, want ie denkt der pas an as t al min 10 is. Aj de garage belt dan kuj met 4 wekke terecht, dan toch moar henig vadan stiefelen. Het KNMI hef weer een kleur code de deur oet e doane want stel oe toch veur dat er ongelukken gebeurd. Gelukkig is dr licht an t end van de tunnel, want de Carnaval steet weer veur de deur. Ie holt ervan of ie vind het verschrikkelijk, dr tussenin kan neet. Bie de vlearmuze in Neede zeukt ze nog een nieuwe veurzitter trouwens, ja ne veurzitter, noazitters hebt ze genog. Gerd Jansen hef zich vulle joaren met ziel en zaligheid ingezet veur carnaval en veur t dorp, moar geet noe dan toch een pas op de plaatse maken. De knieen bunt versletten en de rugge dut zo zeer! Ik heb dr oaver twiefeld moar ik kan al die feestjes neet meer an, dus lik oe dat wat? dit is oe kans!! Iedere een fijne carnaval en doot t henig an!
