BERKELLAND – Der bunt der wat dee kunt vergaderen um te vergaderen kiek noar ons gevallen kabinet. Tot smargens half viefe bunt ze an `t oavernearen. Dat kan toch neet dan hef toch gin mense de kop der mear bie. Ik mot der neet an denken. Ie veult oe volgens mien smargens net zo beroerd as dat ie noar een heftig feest bunt e wes. Fatsoenlijke proat kump der dan ok neet mear oet. Onlangs mos ik op `t gemeentehoes wean um een zienswijze too te lichten. De ambtenaar had op e markt dat onze luifel bie de winkel in Neede neet was an e vroagt. Ding stee der al bienoa dree joar en noe is `t inens een illegaal bouwwark. De zienswijze had ik op papier e zet, dat de luifel ok was bedoeld as duurzaam zunnescharm. Noe mos ik dat mondeling too lichten. Noa dat ik `t verhaal vief kear oet de deuke had e doane snapten de beide ambtenaren der nog niks van. Ze hadden schienboar een rooie lappe veur de ogen; zo van dat ding mot weg. Ne goeie reden van hun kante is wiet te zeuken ie kriegt dan zoiets van; het past neet in het straatbeeld.
Wat past der noe wal of neet in `t stroatbeeld en wie geet doar eigenlijk oaver? Moar `t argste is nog wal ik kwam um te oaverleggen en dat woord kent ze doar neet. Ie kriegt meteen een dreiging van dwangsom en wat al neet mear.Kinderachtige mensjes die waarschijnlijk `n slecht hoeskommen hebt. Joa as ie in Berkelland iets biezonders wilt ondernemmen dan kun ie better meteen verhuuzen. Wat neet in de beukskes steet krieg ie neet gedoan. Dit geldt helaas neet alleene veur mien moar menig ondernemmer den ik sprek hef doar met te maken. Ongeleufelijk dat dee van ons belastinggeld zo weinig met kunt denken.Ze beseft schienboar neet dat ze in dienst van ons bunt . Tuurlijk mot der gin wildgreui kommen moar iets woar gin mense las van hef, loat ons dan toch met ruste of bedenk samen iets dat ieder `t noar “t zin hef. Het vremde doarin is ok dat dee ambtenaren neet oet onze plaatse komt dus eigenlijk neet ens wet woar ze oaver proat.Rare fratsen woar ie eigenlijk helemoale neet met bezig wilt wean.
2 gedachten over “Fratsen zienswijzekul”
Beste Marcel.
Persoonlijk vind ik het een mooie luifel. Blijft de zon uit de winkel en kun je zonodig je fiets droog wegzetten. Het is geen belemmering voor de gebruikers van de stoep of de weg. Dus zou ik zeggen wat is het probleem. Nu kunnen we niet altijd alles tolereren wat een ieder zelf “mooi” vindt. Dus op de een of andere manier zal er wel telkens overleg moeten zijn. Maar of dan deze ambtenaren moeten beslissen weet ik ook niet. Ik hoop van harte dat de luifel mag blijven. Succes met de strijd.
kenn ze eem normoal doun?
Reacties zijn gesloten.