Fratsen snoetkap`n

NEEDE – Gedoo is dat toch um dee mondkapjes oftewal snoetkap`n. De leu dee der verstand van hebt of denkt te hemmen blieft deroaver an `t ouwehoeren. Doar wal ,doar neet,dan doar ok neet of doar ok wal. Politieke proat is altied moeilijk te volgen. Een hoop proaten en as ie der dan oaver an `t denken komt vroag ie oe of woar hadden ze `t oaver. Moar belangerieker nog wat mot ie dermet. Zo wet ik nog dat den Oele van de Pvda dat as gin ander kon as ie den ne vroage stellen woarop hij allenig moar joa of nea mos zeggen,kwamp der altied een heel betoog. Dan zat he de brille van de kop en begon heel wies te kieken, as ne oele, zak moar zeggen. Het antwoord was dan ok zear vermakelijk. Zo zol he vast e zeg hemmen oaver de snoetkappen; `t is niet aan mij en zeker niet aan mijn fractie om hierover een duidelijk beeld te schetsen. Aan de eene kant willen wij`t bevestigen noch ontkennen dat `t dreagen van `n mondkapje bijdraagt aan `t welzijn van de achterban. Als je `t niet doet en je krijgt het dan is `t niet dat wij dit positief hebben beoordeeld maar ook zeker niet negatief.

Dan is Rutte zo noe en dan wal iets duudelijker den ploft der zo oet ; hol de bek dichte, later zegt hij dan wal dat `t anders verwoord had motten wodden ,moar `t is wal duudelijk. Duudelijkheid is veur ons allemoale `t beste. Zo mochten wij earder neet met de zundaagse schoone voetballen. Ne keare wazzen wij drok an `t plearen en kwam de buurman efkes controlearen in welke schoone dat gebeur`n . Den klepdueze joog ons allemoal noar thoes hen, allenig zienen jonge moffelde iets in de weide van ; och ie olde broadworste, de vader zeg en wel potver… en wol goauw oaver den puntdroad hen ,moar doar blief he met `t kruus inhangen. Toen wij daags dernoa den jonge wear zagen hebbe wij nooit mear met de zundaagse schoone an e voetbalt.

 

Deel dit artikel:

Meer nieuws

Scroll naar boven